Mesûd Barzanî serokê herêma Kurdistanê peyamek pirozbahiyê bi helkefta serketina wan di helbijartinan de arastey Ehmed turk hevserokê BDP ê kir ev jî têksta wê ye

Birayê hêja Ehmed Turk

Silav û rêz

Serketina hilbijartinên Tirkiyê û serketina we ji dil û can pîroz dikim. Hêvîdarim encamên hilbijartinê bibin destpêka qonaxek nû ku tê de biratî, wekhevî û bihevre jiyana aştiyane têkeve şûna tundutîjî û şîdet aloziyan.

Çûyîna we ya Parlementoyê derfetek mezin li ber siyasî û sîvîl vedike û em hêvîdarin bi vê derfetê, xebata siyasî û sîvîl, aştî, aramî û biratiyê bi xwe re bîne. Ji bo vê jî çi ji destê me bê, em ji her alîkariyekê re amadene.

Silav, pîrozbahî û hêviyên serketinê ji bo xuşk û birayên me yên din jî ku tevî we dengê gel bi dest xistin.

Careke din we pîroz dikim û her serkeftî bin.

Mesûd Barzanî
Serokê Herêma Kurdistanê
15.06.2011