Ji bo hilbijartina parlamenterên nû, îro prosesa dengdanê li seranserê Tirkiyeyê dest pê kir, û Di hilbijartina îro de, dê welatiyên Tirkiyeyê bo cara 24mîn, endamên nû yên parlamentoyê hilbijêrin.

Hilbijartin bi beşdariya 24 partiyan û 203 namzedên serbixwe bi rê ve diçe û tê de 50 mîlyon û 189 hezar û 930 dengdêr dê 550 endamên Parlamentoya Tirkiyeyê hilbijêrin.

Digel partiya desthilatdar ya Tirkiyeyê Partiya Dad û Geşepêdanê, partiyên din yên ku beşdarî hilbijartinan e ev in:

Partiya Demokrat,Partiya Komarger ya Gel,Partiya Kedê,Partiya Mîlletê,Partiya Demokrat a Lîberal, Partiya Saadatê, Partiya Maf û Yeksaniyê, Partiya Dengê Gel, Partiya Tevgera Neteweperest, Partiya Riya Rast, Partiya Komûnîsta Tirkiyeyê, Partiya Neteweperest û Muhafazakar, Partiya Yekgirtiya Mezin, Partiya Çepa Demokratîk,

Partiya Aştî û Demokrasiyê (BDP) ji ber benda hilbijartinê (ji sedî 10ê), di bin navê Bloka Ked, Azadî û Demokrasiyê û bi namzedên serbixwe, beşdariya hilbijartinên vê carê dike.

Li gor anketên dawîn, AK Partî dê di hilbijartina sibê de dîsa bibe partiya yekê û bi tenê hikûmeta nû ya Tirkiyeyê pêk bîne. Tê çaverêkirin rêjeya dengên CHPê bigihe ji sedî 30ê, MHPê benda hilbijartinê derbas bike û BDPê jî nêzîkî 30 kursiyan bi dest bixe.

AKnews