Îro roja sêşemiyê 07.06.2011ê li havîngeha Selahedînê, Mesûd Barzanî serokê herêma Kurdistanê pêşwazî li Eyad Elawî serokê lîsteya Îraqye û şandeya pê re kir.

Di dîdarekê de her du aliyan rewşa emnî û pirosesa siyasî li Îraqê nirxand.
Barzanî û Elawî tekîd li ser wê yekê kir ku pêwîste hemû aliyên siyasî, ji bona cîbicîkirina rêkeftinên siyasî, pirkirina valahiya wezaretên emnî û pêkanîna civata siyasetên stratejîk, bi awayekî tewafiqî xebatên xwe çir bikin. Daku hikûmet jî bikare emin û asayîşa welêt biparêze û xizmetgozariyan bo hevwelatiyan dabîn bike.

Di vî warî de, Eyad Elawî tekîd li ser berdewambûba rola serok Barzanî di lehevnêzîkirina dîtinên hêzên siyasî, ji bona parastina destkeftiyên pirosesa siyasî û ew pirensîpên hikûmeta koalîsyona niştimanî li ser hatiye avakirin, kir.