Serokê Komîteya Karûbarên Derve di Encûmena Pîrên Dewletên Yekgirtî yên Amerîkayê (DYA) de, Senator John Kerry bi hewldanên desthilata Sûriyeyê berev çaksaziyê bi guman e.

Li pey hevpeyvîneke kovara "Foreign Policy" ya taybet bi karûbarên derve, John Kerry ku yek ji kesên alîgirê asayîkirina pêwendiyên Sûrî-Amerîkî ye got, “Diviya bû Washingtonê Beşar el-Esed bixista bin ezmûnekê.” Lê wî amaje pê da, “Niha, dem derbaz bû û derfet nema.”

John Kerry 6 caran bi el-Esed re civiya ye û di adara borî de bergiriya niyazên wî yê çaksaziyê kiribû lê niha got, “El-Esed êdî ne çaksaz e.”

Her wiha Senator John McCain ji kovara "Foreign Policy" re got, “Ragihandina birêveberiya DYA ku şiyanên el-Esed yê çaksaziyê hene, ji şaştiyê herî mezin e di dîroka siyaseta derve ya Amerîka de.”

AKnews