Serok Barzanî nivîsîngeha Nûneratiya Herêma Kurdistanê li Romayê vekir
Di vê rêwresmê da, ku Cîgirê Wezîrê Derveyê Îtalya û hejmarek Parlementer û kesayetiyên siyasî û akademî Îtalî û dostên Kurd amade bûn, Serok Barzanî li gotarek de behsa girîngiya vekirina vê nivîsîngehê kir û hêvî xwest bibê rayeleyekî girîng ji bo xurtkirina zêdetirê pêwendiyên di navbera Îtalya û Herêma Kurdistanê.
Ji aliyeke din ve birêz Mesûd Barzanî Serokê Herêma Kurdistanê serdana Balyozxaneya Iraqa Federal li Roma kir û li wir jî ji aliyê Balyoz û Birêvebirên Balyozxaneyê ve hate pêşwaz kirin û paşê jî Balyozxaneya Iraq li Roma firavînek li ser xatirê Serok Barzanî rêkxist ku Balyozên welatê Erebî li Îtalya û Vatîkan amade bûn.
Di vê rêwresmê da, Seywan Barzanî Balyozê Iraq li Îtalya di gotarekê de xweşhaliya xwe bi vê serdana Serok Barzanî ya Balyozxaneyê derbirî û behsa rola Serok Barzanî ya li Iraqa Federal û daxwazên wî yê demokrasiyet û serxistina proseya siyasî kir. Paşê Serok Barzanî li gotarek da xweşhaliya xwe li Balyozxaneya Iraqa nû da derbirî û behsa wê yekê jî kir ku Nûnertiya Herêma Kurdistanê jî vekir û got: Li Iraqa nû da hest dikîn ku Iraq welatê me hemûyane û hemû aliyek ve jî şanaziyê bi welatê xwe dikîn. Her wiha behsa wê yekê jî kir ku Herêma Kurdistanê li pirsgirêkên Iraqê da her dem xala bi hevdû têgihiştin û pêgeha çareseriya pirsan û nakokiyan buye û her wiha jî dimînê.
Serok Barzanî Herwiha di gotara xwe de tekez li ser wê yekê kir ku Herêma Kurdistanê geşbûye û arame û dergehên wê jî ji bo pêwendî girêdan û hevkariya du aliya sercem welatên Erebî û cîhanê de vekiriye. Paşê Hebîb Sedir Balyozê Iraq li Vatîkan gotarek pêşkêş kir û têda bi xêrhatina Serokê Herêma Kurdistanê li Îtalya kir û behsa rola Serok Barzanî û malbata Barzanî û Kurd li dîrok û niha da kir ku rolekî girîng li hişyariya nîştimanî û demokrasiyê da hebuye.
