bo cara yekê di dîroka Turkiyê de xwendina bi zimanê Kurdî dest pê kir

Dr. Qedrî Yildirim Cîgirê serokê zanîngeha Artuklu a Mardînê li bakûrê Kurdistanê ragihand, ku dê îsal bo cara yekê di dîroka Turkiyê de xwendina bi zimanê Kurdî dest pê bibe û dê 20 xwendevan di beşa ziman û koltora Kurdî de ya ser bi peymangeha ziman a zanîngeha Artuklu xwendina xwe ya akademîk dest pê bikin.


Yildirim herweha got, ku dê tomarkirina navê xwandevanan ji roja 15 vê heyvê dest pê bibe û heta roja 30 vê heyvê berdewam be.


Cîgirê serokê zanîngeha Artuklu a parêzgeha Mardînê ya li bakûrê Kurdistanê weha jî da zanîn, ku heger kesek bixwaze di beşa ziman û koltora Kurdî de bixwîne gerek formeka taybet li zanîngeha wan dagre.