Serokê Herêma Kurdistanê pêşwazî li Fermandeyê nû yê hêzên Emerîka kir
Di hevdîtinê de ku birêz Kerîm Şingalî Wezîrê Navxo û Ferîqê Yekem Emer Osman û hejmarek ji berpirsên leşkerî amade bûn, li gel bi xêrhatina wan Serok Barzanî xweşhaliya xwe bi wê yekê derbirî ku dostekî wekî General Ostin cihê dostekî wekî General Oderno û dostekî wekî James Jeffry jî cihê dostekî wekî Crîstopher Hell girtiye û hêvî xwest ku Fermandeyê nû yê hêzên Emerîka li Iraq di erkên xwe de serkeftî be û rola xwe li bihêzkirina pêwendiyên di navbera Herêma Kurdistan û Wîlayetên Yekgirtiyên Emrîka de hebe û amadehiya xwe jî ji bo piştevanî kirinê derbirî û ragihand ku her du alî xebatekê hevbeş li dijî dîktatoriyet û terorîstê heye û bi navê wê jî qurbaniyên Emerîka cihê rêz û pêzanînê gelê Kurdistane, ji ber ku bi bêyî wan qurbaniyan ev rewşa niha nedihate holê.
Ji aliyê xwe ve, Fermandeyê nû yê hêzên Emerîka supasîya ew pêşwaziya germ a Serokê Herêma Kurdistanê kir û xweşhaliya xwe jî derbirî ku carekî din vedigere Iraq û tekez jî kir ku ew dê hemû şiyanên xwe bo pêşxistina peywendiyên dostane yên demdirêja di navbera Herêma Kurdistanê û Emerîka de bikarbîne.
Her wiha General Ostin behsa wê pêşketinê kir ku li hemû waran de li Herêma Kurdistanê da hatine holê û ragihand ku her cara serdana Kurdistanê kiribe destkeftekî nû hatîye holê û Firokxaneya Navdewletiya Hewlêrê wekî mînak nîşan da û bi şanaziyekî dinê serkirdayetiya hekîmaneya Serok Barzanî wesif kir.
Paşê her du alî sebaret bi pirsa pêkanîna Hikûmeta Iraq û pêvajoya Iraqê bi giştî li niha û piştî vekêşana hêzên Emerîka ji Iraq guftûgo kirin û her wiha rewşa ewlehiyê jî nirxandin û tekez li ser beşdariya hemû aliyên serkeftî di Hikûmeta nû da kir û li ruyê başkirina rewşa ewlehiya Iraqê jî Serok Barzanî li ser daxwaza General Ostin rewşa ewlehiya Iraq û Herêma Kurdistanê nirxand û tekez li ser rola gel û başkirina rewşa guzeranî û xizmetguzariyê wekî destpêkek ji bo başkirina rewşa ewlehiya Iraqê kir.
Her wiha di vî warî de her yek li Fermandeyê nû yê Hêzên Emerîka û Balyozê Emerîka li Iraq ê nêrîna welatê xwe sebaret bi Iraq û paşeroja wê xiste rû û tekez jî li piştevanî kirina Emerîka li pêvajoya siyasî û demokratî li Iraq û Herêma Kurdistanê kirin.
