Li Bakurê Kurdistanê ji ber kêmxwarinê zarok bejinkurt dimînin
Li gor raporê ku ji aliyê Wezareta Perwerde û Wezareta Tendirûstiyê yên Tirkiyê ve hatiye kirin, li navçeyên rojavayê Tirkiyê obezite berebelav e û li Bakurê Kurdistanê jî pirsgirêka xwedîbûna kêm-kronîk a zarokan heye.
Di raportê de tê gotin ku li bajarên Meletî, Erzîngan, Xarpêt, Dêrsim, Çewlig, Erzerom, Mûş, Bedlîs, Qers, Agirî, Wan, Îdir û Colemêrgê ji sedî 3,5 û li bajarên Dîlok, Amed, Riha, Êlih, Semsûr, Sêrt, Mêrdîn û Kilîsê yên Bakurê Kurdistanê ji sedî 5,4ê zarokan ji ber xwedîbûna kronîk bejinkurt mane. Lê li deverên rojavayê Tirkiyê ev rêje daketiye ji sedî yekê.
Seroka Rêveberiya Giştî ya Tendirûstiya Gel ser bi Wezareta Tendirûstiyê ya Tirkiyê Doç. Dr. Nazan Yardim dide zanîn ku bejinkurtbûn ji xwedîbûna kêm çêdibe û dibêje: "Li Tirkiyê pirsgirêka xwedîbûna kêm heye. Li Tirkiyê bi giştî rêjeya bejinkurtbûnê ji sedî 2,3 ye, li rojava daketiye ji sedî 1ê, lê dema em diçin Rojhilat berevajî ye. Ev reqemên gelekî ciddî ne. Li ti welatekî Ewropayê vê yekê nabînin."
Rudaw
