Hat îdîakirin ku li navçeya Sultangazî ser bi parêzgeha Stenbolê ya Tirkiyê 40 kes bi xwarina Mewlûda ‎Pêxemberê Îslamê bi jehrî ketine û bo nexweşxaneyê hatine veguehstin.‎

Li gor îdîayan, doh demjimêrên êvarê li Taxa Cebecî ya Sultangazî, di Mewlûdê de birinca bi mirîşk bo ‎mêvanan hat pêşkêşkirin.

Piştî Mewlûdê piraniya wan jin 40 kes ji ber jana hinavê, dilxelîn û verîşînê ‎çûn Nexweşxaneya Perwerde û Lêkolînê ya Hasekî ya Sultangazî.‎

Mîdeya hinek nexweşan hat şûştin û serum bo wan hat danîn. Hat ragihandin ku tedawiya nexweşan a ‎li nexweşxaneya navbirî berdewam e.‎

Rudaw