Heyama 17 rojan e ku keçeke 15 salî li Hewlêrê winda bûye û malbat û xizmên wê keçê jî dibêjin, çend caran keça wan hatiye dîtin.

Keça windabûyî ya Hewlêrî navê wê Zeyneb Reşîd e ku 15 salî ye û li gorî gotina malbata wê, nexweşiyeke demdirêj pê re heye.

Malbat dibêje, Zeyneb tûşî nexweşiya Mongoliyê bûye û dema 17 rojan e ku ji mal derketiye û heta niha nevegeriyaye.

Kesûkarên Zeynebê ji Rûdawê re dibêjin: “Me hemû dezgehên ewlehiyê agahdar kirine, herwiha me li Duhok, Zaxo, Akrê, Koye, Raniye û Silêmaniyê jî lidûvçûn bow ê kiriye, lê me ew nedît. Lê belê di çend rojên bihorî de li nav bajarê Hewlêrê û li çend cihên cuda hatiye dîtin.”

Dayika Zeyneb ku wê jî nexweşiya Gurçikê pê re heye, ji ber windabûna keça xwe, ew dema 5 rojan e ku xwarinê naxwe û li nexweşxaneyê ketiye û rewşa tendirustiya wê nebaş e.

Malbat û kesûkarên Zeynebê bi rêya Rûdawê daxawz ji hevwelatiyên Kurdistanê dikin, ku eger li her cihekê keça wan dîtin, wan agahdar bikin, an wê radestî hêzên ewlehiyê yan malbatê bikin.

Rudaw