Li Kurdistanê 9 bendavên mezin tên çêkirin
Li gor sîstema PPP têne çêkirin.
Wezîra çandiniyê û çavkaniyên avê Bêgerd Talebanî ragihand ku hikûmeta Kurdistanê biryar li ser çê kirina 9 bendavên mezin daye.
Li gor daxuyaniya wezareta çandiniyê, duhê wezîra çandiniyê û çavkaniyên avê Bêgerd Talebanî li gel wezîrê pilandanîn civiyaye û di civînê de giftûgo li ser çê kirina 9 bendavan hatiye kirin.
Di civînê de nîqaş li ser çê kirina 9 bendavên mezin bi mebesta kom kirina avê li Kurdistanê û cîhbicîh kirina sîstemên mezin û pêşkeftî yê avdanê li gor sîstema PPP hatiye kirine.
Herwiha di daxuyaniyê de hatiye gotin ku wezaret ji niha ve dest bi amadekariyên çê kirina wan bendavan dike û kompaniyên ku dixwazin li ser wan mijaran kar bikin dikarin serî li wezaretê bidin.
