Berdevkê Wezareta Derve ya Îranê ragihand, ewê bi awayekî rasterast yan ne rasterast beşdarî di kuştina Qasim Suleymanî de kiribe, dê berpirsiyariya xwe ya yasayî û cezakirinê hilgire ser xwe û lêkolîn jî di wê bûyerê de berdewam e.

Ajansa nûçeyan a fermî ya Îranê belav kir, Berdevkê Wezareta Derve ya Îranê Seîd Xetîbzade di konferansa rojnamevanî ya heftane de behsa naveroka raporta Yahoonews a Amerîkî ya derbarê beşdariya Dije-Terora YNKê CTG di kuştina Fermandarê Supaya Qudisê ya Pasdarên Îranê Qasim Suleymanî de kir û ragihand, her kesê bi awayekî rasterast yan ne rasterast beşdarî di kuştina Qasim Suleymanî de kiribe, dê berpirsiyariya xwe ya yasayî û cezakirinê hilgire ser xwe.

Xetîbzade tekez kir, lêkolîn di dosya kuştina Qasim Suleymanî de ji aliyê desthilatên dadwerî û rêxistinên navdewletî ve berdewam in. Di warê siyasî, yasayî û ewlehiyê de jî ew ligel aliyên Iraqî di guftûgokirinê de be.

Malpera Yahoonews a Amerîkî, derbarê kuştina Qasim Suleymanî de di raportekê de belav kir, Qasim Suleymanî roja 3ê Çileya 2020ê li nêzîk firokexaneya Bexdayê ji aliyê firokeyeke bêfirokvan a Amerîkî ve hat kuştin û diyar kir ku rola Dije-Terora YNKê di bûyerê de hebû ku çend kesan hevkarî bi tîmên Delta yên Amerîkî re kirin.

K24