Li paytexta Meksîka Meksîkoyê pira jor a metroyê li gel trenekî ser re derbas dibû hilweşiya û di bûyerê de herî kêm 23 kesan jiyana xwe ji dest dan.

Li rawesteka Olivos a Meksîko ya paytexta Meksîkayê beşek ji rêya hesinî hilweşiya.

Rayedaran ragehandin ku vagonên trenê li gel pirê hilweşiyaye û li ser wesayîtên li xwarê de hatiye xwarê.

Di bûyerê de heta naha 23 kesan jiyana xwe ji dest dane û 49 kes jî rakirine nexwaşxaneyan.

Hat ragehandin gelek ambulans û tîmên agirkuj geheştine cîhê bûyerê û xebatên xwe berdewam dikin.

Derbarê sedemê hilweşîna pirê de heta naha ti daxuyaniyek nehatiye dayîn.

Basnews