Konsolê Giştî yê Fransa li Herêma Kurdistanê derbarê êrîşa DAIŞê li ser sengerê Pêşmerge li Zûrgezraw de diyar kir, divê Hikûmeta Herêma Kurdistanê û Hikûmeta Iraqê hevahengiyên xwe yên li hemberî êrîşa DAIŞ'ê kûrtir bikin.

Konsolê Giştî yê Fransa li Herêma Kurdistanê Olivier Decottignies di twîtekê de serxweşî li malbatên Pêşmergeyên şehîd ên ku di êrîşa DAIŞê li Zûrgezraw de şehîd bûne kir û hêviya başbûna bilez ji Pêşmergeyên birîndar re xwast.

Konsolê Giştî yê Fransa nivîsî: "Divê Hikûmeta Herêma Kurdistanê û Hikûmeta Iraqê di berjewendiya ewlehiya Iraqê de hevahengiyên xwe kûrtir bikin."

Roja Şemiyê 1.5.2021ê çekdarên DAIŞ'ê êrîşî ser sengerê Pêşmerge li Zûrgezraw kir û hêzên Pêşmerge jî bi tundî bersiva DAIŞê dan û êrîş têk birin. Wezareta Pêşmerge jî ragihand, di encama êrîşê de 3 Pêşmerge şehîd bûn û 2 Pêşmerge jî birîndar bûne.