Komîsyona bilind a serbixwe ya helbijartinên Iraqê ragehand, dema helbijartinên pêşwext a hatiye diyar kirin, teqez nayê guhertin.

Roja 27.04.2021ê komîsyona helbijartinê bi beyanameyekî daxwaz ji partiyên siyasî û namzedan kir hevpeymaniyên xwe û navê xwe tomar bikin, ji ber dema herî dawî ya ji bo nav tomar kirinê roja 01.05.2021 e.

Heman beyanameyê de komîsyona bilind a serbixwe ya helbijartinên Iraqê red kir ku dema helbijartinên pêşwext ên Parlamentoya Iraqê bê guhertin û ragehand: Helbijartin teqez di dema hatiye diyar kirin de dê bê kirin û teqez guhertin di dema pêkhatina helbijartinan de nabe.

Helbijartinên Parlamentoya Iraqê roja 10.10.2021ê dê pêkbên.

Basnews