Fermandarê hêzên Pêşmergeyên Kurdistanê li Şingalê diyar kir Heşdî Şeibî li Şingalê bi bahaneya parastina devera Şingalê çek û pêdiviyên leşkerî bo grup û hêzên nerewa li Şingalê dabîn dike.

Fermandeyê fermandariya Şingalê yê ser bi hêzên Pêşmergeyên Kurdistanê Mam Qewal ji BasNewsê re ragehand: ‘’Bi bahaneya parastina Şingalê Heşdî Şeibî çend cure çek dane hêz û grubên nerewa li çiyayê Şingalê. Naha ew çek li çiyayê Şingalê hatine danîn ji aliyê hêz û grubên nerewa ve, hemahengi û peyvendî di navbera Heşdî Şeibî û PKKê de li Şingalê heye û ev yek bûye eger bikarin hatûçûnê li Şingalê bikin, ji bo bikarin hatûçûnê di navbera Şingal û Rojavayê Kurdistanê de bikin.’’

Herwaha got: ‘’Eger hemahengî û peyvendî di navbera Heşdî Şeibî û grubên nerewa de tineba, naha gelek car şer di navbera wan aliyan de derketibû, lê hemahengî û peyvendî di navbera herdu aliyan de heye.’’

Navborî got: ‘’Rewşa Şingalê xirabe, tirs bo xelkê vegeriyane bo Şingalê jî çêbûye. Xelk jiyana xwe piştrast nîne nav Şingalê de.’’

Basnews