Serokê herêmê li gel balyozê Holendayê civiya
Behsa têkiliyên navbera Holenda, Kurdistan û Îraqê hate kirin.
roja duşem Serokê herêma Kurdistanê Nêçîrvan Barzanî pêşwaziya balyozê Holendayê yê li Îraqê Michel Rentenaar kir.
Di civînê de her du alî li ser têkiliyên navbera Holenda, Kurdistan û Îraqê, derfetên hêlbirîna sermayeya biyanî li Îraq û Kurdistanê, rola Holendayê di çarçoveya hevpeymaniya dijî DIŞIê û danûstandina navbera Hewlêr û Bexdayê ya bo çareserkirina kêşeyên heyî û diyarkirina para Kurdistanê ji bûdceya fedralî ya 2021an giftûgo kirin.
Di civînê de Serokê herêma Kurdistanê jiber hevkariyên Holendayê yên di çarçoveya hevpeymaniya cîhanî ya dijî DIŞIê de bo hêzên pêşmerge spasiya Holendayê kir û anî ziman ku bo afirandina derfetên goncaw bo rakêşana sermayeya biyanî bo Kurdistan û Îraqê gelek asankarî di her warî de hatine kirin.
Di berdewamiya civîna han de ku Konsulusê Holendayê yê li Hewlêrê jî têde beşdar bû, behsa azadiya raman, azadiya rojnamegerî li Kurdistan û Îraqê, hilbijartinên pêş yên Îraqê, girîngiya rola çavdêriya NY û YE di hilbijartinên Îraqê de, prosesa reforman li Kurdistan û Îraqê de û parastina aramî û ewlekariya Îraqê jî hate kirin.
