Berpirsekî Wezareta Elektirîka Kurdistanê dibêje, eger tevahiya santralên Herêma Kurdistanê aktîf bibin, dê nêzîkî 7 hezar mêga wat elektirîk bidest were.

Berpirsê enerjiyê li wezareta elektirîka Kurdistanê, Diyar Baban ji BasNewsê re got, eger em tevahiya santralên xwe aktîf bikin û bidin xebatê, emê 6 hezar û 700 mêga wat elektirîk bidest bînin. Lê sotemeniya me terê nake. Em niha li Kurdistanê tenê 3 hezar û 800 mêga wat elektirîk berhem tînin.

Wî berpirsê wezareta elektirîkê da zanîn, berpirsên şîrketa Dana Gaz û wezareta samanên sirûşî gotine dê heta dûmahîka îsal gaza santralan zêde bikin da ku elektrîk zêde bibe.

Diyar Baban anî ziman jî, wan pilan kirine îsal bi enerjiya rojê û şewitandina nefta reş zêdetirî 200 mêga wat elektirîk bidest bînin.

basnews