daxwaz dikin girtî werin azadkirin.
Dibêjin li hember girtina welatiyên Kurd bêdeng nebe.

Ew demêke operasiyonên girtin û binçav kirina welatiyên Kurd li Rojhilatê Kurdistanê destpê kirine û hîn jî didomin.

Li gor zaniyariyên berdest heta niha di encama wan operasiyonan de hijmareke zêde welatiyên Kurd ji aliyê rejîma Îranê ve hatine girtin û piraniya wan jî çalakvanên warên curbicurin.

Li ser vê mijarê zêdetir ji 36 sazî û dezgehên medenî daxuyaniyeke hevbeş belav kirine.

Di daxuyaniya han de ew saziyên han daxwaz ji Netewên Yekgirtî û aliyên din yên têkildarî mafên mirovan yên cîhanî kirine daku li hember operasiyonên girtina welatiyên Kurd li Rojhilatê Kurdistanê û Îranê de bêdeng nebin û zextan li rejîma Îranê bikin daku operasiyonan rawestîne û kesên girtî jî azad bike.