‘Divê Tirkiye hebûna YPGê qebûl bike’
Berpirsê Komeleya Heinrich Boll Stiftung a li Tirkiyê Kristian Brakel beşdarî bultena 15.00 a Rûdawê bû ku taybet bi Bakurê Kurdistanê û behsa çarenivîsa peywendiyên Tirkiye û Amerîkayê di heyama serokatiya Joe Biden de û helwesta Tirkiyê ya li hember Rojavayê Kurdistanê û hêzên Kurdî kir.
Kristian Brakel di wî wê baweriyê de ku di serdema Jode Biden de jî “peywendiyên di navbera Tirkiye û Amerîkayê de dê wek xwe bimîne û îdareya Biden siyasetên berê yên Amerîkayê berdewam bike.”
Lê Brakel behsa hinek astengiyan dike li ber başbûna peywendiyên herdu aliyan û dibêje, Enqere amadekariya xwe nîşan nedaye ku di siyaseta xwe de guhertinê bike wek û sîstema S-400 a Rûsî ku Tirkiyê kiriye û piştevaniya berdewam a Amerîkayê bo Yekîneyên Parastina Gel (YPG), wek “asteng” dibîne.
Li egera pêkanîna guhertinekê di siyaseta xwe de ji aliyê Tirkiyê ve, wek ku dest ji S-400 berde û Amerîka jî piştgiriya bo YPGê qut an jî kêm bike, Kristian Brakel di wê baweriyê de ye, “Guhertinên mezin dê çênebin, divê Amerîka piştgirya YPGê bike û di heman demê de jî piştgiriya Tirkiyê ji dest nede.”
Braker behsa wê jî dike, egera wê heye ku îdareya Biden di siyaseta navxwe û ya derve de guvaşên zêdetir bixe ser Enqerê.
Li ser mijarên sîstema berevaniya asmanî ya S-400 û bernameya firokeyên F-35, Braker diyar kir ku gelek hewl hatiye dayîn ku çareseriyek ji bo pirsgirêkan bê dîtin û Tirkiye vê sîstemê bi kar neyîne û amaje bi wê jî dike, “S-400 beşek ji peywendiyên di navbera Tiriye û Rûsyayê de jî.”
Braker dibêje, Amerîkayê ragihandiye ku wan hewl dane ku nîgeraniyên Tirkiyê yên derbarê PKK de kêm bikin û tekez dike, “Divê Enqere helwestek nerm nîşan bide û hebûna YPGê ya li ser sînoran qebûl bike.”
Derbarê bandora peywendiyên Tirkiye û Yekîtiya Ewropayê (YE) li ser peywendiyên Tirkiye-Amerîkayê jî Braker dibêje, Amerîkayê peywendiyên ciyawaz li gel Tirkiyê hene û “bi hatina Biden hêviyek peyda bûye ku Tirkiye wek ku di serdema îderaya Trump de kiriye, êdî nikaribe ajandaya xwe firehtir bike û pêştir bixe.”
Rudaw
