Îro firokeyên şer ên Tirkiyê, gundê Şênî yê ser bi navçeya Pişder a Başûrê Kurdistanê bombebaran kir.

Li gor zanyariyên nûçegihanê Kurdistanê24ê, vê sibê di demjimêr 11:00ê de, çend firokeyên şer, nav gundê Şênî û derdora wî bombebaran kir.

Rêveberê Nahiya Helşo Bekir Weysî ji Kurdistan24ê re ragihand: “Îro sê car firokeyan nav gundê Şênî û derdora navçeya Pişder bombebaran kirin û hê jî firoke li esmanê vê deverê difirin.”

Bekir Weysî diyar kir: “Hêj nayê zanîn gelo zirar gihiştiye canê kesekî an na, ji ber ku em nikarin xwe bigihînin gundê Şênî, lê zirarên madî gelek in û xelk gelek bizdiyane.”

Li gor zanyariyan, ti baregeheke PKKê li nav gundê Şênî tine ye.

K24