dibêje bo şerê dijî DIŞIê hîn jî pêdeviya me bi hevkariyê heye.
Behsa têkiliyên navbera Kurdistan û Norwêcê hatekirin.

Îro Serokê herêma Kurdistanê Nêçîrvan Barzanî di civînekê de li gel Balyoza Norwêc li Iraqê Tone Allers, tekez li ser pêwîstiya koçber û penaberên li Herêma Kurdistanê, bi berdewamiya hevkariya civaka navdewletî kir û spasî hevkariyên mirovî û hevkariyên Norwêcê ya ji bo koçber û penaberan kir.

Balyoza Norwêcê jî pêgiriya welatê xwe ya bi berdewamiya hevkarî kirina mirovî ya ji bo Iraq û Herêma Kurdistanê diyar kir û her du alî hevfikir bûn ku ji bo têkşikandina hertimî ya DIŞIê li Iraq û Herêma Kurdistanê hê jî pêwîstiya wan bi piştgîriya civaka navdewletî heye.

Di civîna ku piştî nîvroya îro yekşem 31.01.2021 li Hewlêrê hatiye lidarxistin, rewşa koçber û penaberên li wargehên Herêma Kurdistanê, pêngavên giftûgoya Hewlêr – Bexda ya ji bo çareserkirina kêşeyên wan, rêkeftina Hikûmeta Federaliya Iraqê û Hikûmeta Herêma Kurdistanê ya ji bo asayîkirina rewşa Şingalê, rewşa navçeyên madeya 140 ya destûra bingehîn, pirsa bûdceya giştî ya Iraqê û para Herêma Kurdistanê, hilbijartinên Iraqê, kiryarên terorîstî yên vê dawiyê li Iraqê, serhildana DIŞIê û sedemên wê, pêşhat û pêşketinên navçeyê bi giştî hate nirxandin.

Her di heman civînê de Nêçîrvan Barzanî tekez li ser amadebûn û xwesteka Herêma Kurdistanê ya ji bo çareserkirina tevahiya kêşeyên li gel Hikûmeta Federaliya Iraqê li ser bingeha destûr û girîngiya bi cîhkirina sîstema federaliyê kir ku bingeha aramî û pêkvejiyana pêkhatên Iraqê dibê, her wiha li vî derbarî de rola yarmetîderê Neteweyên Yekgirtî û civaka navdewletî bi girîng da zanîn.

Bi destkarîve ji SHK hatiye wergirtin.