Berpirsekî Partiya Şûî ya Kurdistanê dibêje, heta hêzên Pêşmerge venegerin Xaneqînê û Heşda Şeibî jî ji deverê dernekeve, ew der aram û asûde nabe.

Berpirsê komîteya Xaneqînê ya Partiya Şûî ya Kurdistanê, Ebas Rehman ji BasNewsê re got, terorîstên DAIŞê bi şev êrişî êrişî xelkê û hêzên ewlehiyê dikin.

Ebas Rehman her wiha got, şeva borî li devera Neftxane ya Xaneqînê êrişî hêzên Heşda Şeibî kirine û di navbera wan de şer derketiye. Roj nîne êriş û şer nebe.

Wî berpirsê partiya Şûî ya Kurdistanê anî ziman, piştî rûdanên 16 Cotmeha 2017 Heşda Şeibî li vê deverê bûye xwedan desthilat û got, lê heta hêzên Pêşmerge venegerin Xaneqînê û Heşda Şeibî jî ji vir dernekeve, ev der aram û asûde nabe.

Basnews