Li deriyê sînorî yê Serzêrê herî kêm 30 santîm berf bariye
Ji şeva borî de li deverên sînorî yên Kurdistanê berf dibare û heta niha jî didome. Yek ji wan deveran, sînorê Serzêrê ye ku dikeve navbera parêzgeha Duhok û Bakûrê Kurdistanê.
Berdevkê rêveberiya deriyê Serzêrê, Sînwar Sadiq ji BasNewsê re got, ji şeva borî de li vê deverê berf dibare û heta niha zêdetirî 30 santîm berf bariye.
Şînwar Sadiq her wiha got, ji xwe ji destpêka belavbûna Koronayê ve heta niha sînor ji aliyê Tirkiyê ve hatiye girtin û hatinçûn tê de nayê kirin.
Deriyê sînorî yê Serzêrê deriyekî ne fermî ye di navbera Tirkiye û Herêma Kurdistan-Iraqê de.
Basnews
