Zanîngeha pijîjkî ya parêzgeha Sine (Kurdistan) ya rojhilatê Kurdistanê, encamên lêkolînekê eşkere kir ku sedî 14’ê mirinên li wê parêzgehê ji ber nexweşiya penceşêrê ye.

Li gor Ajansa Mehr a Îranî, cîgirê serokê zanîngeha zanistî ya parêzgeha Sine Ferzam Bîrdarpûr got: “Du sedemên serekî yên tûşbûna nexweşiya penceşêrê (kanser) hene. Ya yekemîn pîsbûna jîngehê (Av, toz, hewa û madeyên kîmyayî) û ya duyemîn jî kêm meşîn, xwarina xwarinên amade û dudiliya di nava xelkê de.”

Bi baweriya Ferzam, “Dema dûdilî û zextên derûnî di mirovan de zêde dike, di hucreyên laş de pirsgirêkan dirûst dike û ev jî dibe sedemê serhildana penceşêrê. Ji sêyan 1’ê kesên penceşêr digrin, ger zû pê bizanin, dikarin bên dermankirin.”

Li gor sîstema tomarkirinên penceşêrê yên sala borî li parêzgeha Sine, hezar û 277 kes tûşî penceşêrê bûne. Temenê piraniya wan navbera 55-64 saliyê de bûn.

Rudaw