Medyayeke Israîlî îro (Duşem, 06.01.2025) parve kiriye, “Li bakurê kertê rojava, teqe li pasekê hat kirin û di encamê de sê kes hatin kuştin û çend kesên din jî birîndar bûn.”

Kanala 13ê ya Israîlî parve kiriye, “Di dema êrîşeke çekdarî de ku li ser pasekê li bakurê kertê rojava hat kirin, sê kes hatin kuştin û hejmareke din jî birîndar bû.”

Wê kanalê amaje jî da, “Ew êrîş li ser pasekê di navbera Pondok û Kîdomîmê li bakurê kertê rojava hatiye kirin.”

Her wê çavkaniyê eşkere jî kiriye, “Ew çekdar bi wê timbêla ku êrîş pê kiribû ber bi devera Nablisê ve revîne.”

Ji aliyekî din ve tîmên hawarhatinê, ku li cihê wê rûdanê ji bo çarekirina birîndaran amade bûbûn, got, “Ji bilî kuştina sê kesan, şeş kesên din jî di wê êrîşê de birîndar bûne.”

 

K24