Jinan li girtîgeha Bedlîsê Newroz pîroz kirin
Girtiyên jin ên siyasi yên Girtîgeha Tîpa E ya Bedlîsê û 12 zarokên ku demên dawî hatin girtin li hewşên koguşan Newroz pîroz kirin. Jinan bi cil û bergên neteweyî govend girêdan û zarokan jî li dora agirê ku li hewşê hilkiribûn govend girtin û slogana "Bijî Newroz" bilind kirin.
Hate zanîn ku piştî pîrozbahiyê rêveberiya girtîgehê zarok birine koguşeke din ku hewşa wê tune. Rayedarên girtîgehê îdîa kirin ku koguşa zarokan li ser daxwaza wan hatiye guherîn. Rûdaw
