Peyameke pîrozbayî bo cejna Remezanê pêşkêş kir.

Serokwezîrê Kurdistanê Mesrûr Barzanî bi minasebeta hatina cejna Remezanê peyamek pêşkêş kiriye ku, ev jî naveroka vê peyamê ye;

Bi minasebeta hatina cejna pîroz ya Remezanê gerimtirîn pîrozbayî pêşkêşî tevahiya misilmanên Kurdistan, Îraq û cîhanê dikim, bi taybetî pîrozbayî li tevahiya pêşmergeyên qehreman, hêzên ewlekarî û kesûkar û malbetên serfiraz yên şehîd û enfalkiriyan dikim.

Hêvî dikim cejn bibe sedema xweşî, şadî û xweşgozeraniyê bo xelkê Kurdistanê û dawî anîn bi şer, nexweşî û tevahiya arîşeyan li cîhanê de.

Spasiya berxwedan û bêhin firehiya xelkê nîştimanperwer yê herêma Kurdistanê dikim ku, hevkar û alîkar bûn bo derbas kirina ev rewşa dijwar ya abûrî ku, rastî herêmê hatibû. Hêvî dikim ev rêkeftin û jihev fêmkirina ya li gel aliyên têkildar yên hikûmeta federalî derbarê mûçe û şayîsteyên darayî yên herêma Kurdistanê de çê bûye berdewam be û ji niha û pêde mijara mûçeyê weke mafeke reva û destûrî ya xelkê Kurdistanê, tevlî ti kêşe û nakokiyeke siyasî neyê kirin û Karmend û Fermanberên herêmê jî her meh bi awayeke normal bi rêya aliyên têkildar yên hikûmeta herêma Kurdistanê mûçeyên xwe bistînin.

Herwiha hêvî dikin ev pêşkeftin û pêngavên han bibin destpêkek bo çareser kirina kêşeyên hilwastî yên din û tevahiya arîşeyên mayî jî bi jihev fêmkirin û pêbend bûn bi destûrê re werin çareserkirin.

Cejna we pîroz be û xwedê mezin Kurdistan biparêze.

Serokê hikûmeta herêma Kurdistanê

Mesrûr Barzanî