Komîteya Hilbijartinan ya Bilind, biryara xwe da ku berbijarê HDPê Selahedîn Demîrtaş, bangeşeya xwe ya hilbijartinan li stodyoyên TRTê bike.

Biryar e Demîrtaş, ji zindana Edîrnê ji bo stodyoyên TRTê yên li Enqerê bê veguhestin.

Wê Demîrtişa heya 10 xulekan biaxive û axaftina wî di 13ê Hizêranê de wê were tomarkirin û şeva 17ê Hizêranê, wê were belavkirin.

Ev bû bêtirî sal û nîvekê, Demîrtaş hatiye girtin û ev yekem car e di dîroka Tirkiyê de, ku kesek di zindanê de, xwe ji bo serokatiya Tirkiyê berbijar dike û Hikûmet qebûl dike ku bi riya kenala fermî ya dewletê, bangeşyê ji xwe re bike.

K24