پووت بە یەكێك لە تەواوكەرە شیكەكانی زستان دادەنرێت، بە تایبەتی مۆدێلە درێژەكانی، چونكە دەتوانرێت لەگەڵ چەندین شێوازی جلوبەرگدا بگونجێندرێت، لێرەوە ویستمان چەند بیرۆكەیەك دەربارەی هەماهەنگكردنی پووتی درێژ لەگەڵ تەنوورەدا بخەینە ڕوو، بۆ ئەوەی بە جوانترین شێوە دەربكەویت.

ئەگەر دەتەوێت دەركەوتنێكی گەنجانەت هەبێت و گەنجتر دەربكەویت، ئەوا ئەم زستانە واز لە شیكپۆشی لەگەڵ تەنوورەی كورتدا مەهێنە، بەڵكو بۆ دەركەوتنێكی نایابتر، ستایلەكەت لەگەڵ پووتی درێژدا هەماهەنگ بكە.

بۆ ئاهەنگ و بۆنە فەرمییەكان دەتوانیت تەنوورەیەكی نەخشێندراو بە لێواری شەپۆلدار یان ناهاوسەنگەوە هەڵبژێریت، كە دەكرێت بەشی سەرەوەی لایەكی كراوە بێت و دیزاینی پووتی درێژبە ڕەنگی خۆڵەمێشیی مەخمەلیی شیك دەربخات، لەگەڵیدا بلوزێكی ناسكی چیندار هەڵبژێرە كە لە خوری دروست كرابێت و یەخەی بەرز و بێ قۆڵ بێت، هەروەها جانتایەكی چەرمی ڕەشی شیكی لەگەڵدا هەڵبگرە.

پووتی ڕەش دەتوانێت بەهای تەنوورەی خوری بەرزبكاتەوە، بە تایبەتی مۆدێلەكانی ڕەنگی بێلایەن.