چل بەشداربوو بوونە راهێنەری نێودەوڵەتی شەتڕەنج
زاگرۆس نانەكەلی
پاش ئەوەی رۆژانی 10 تا 12ی مانگی حوزەیرانی رابردوو بە بەشداری 40 شەترەنجزان، خولێكی نێودەوڵەتی راهێنەرایەتی یاری شەترەنج لە شاری هەولێر كرایەوە و وانەكانی خولەكە بە تیۆری و پراكتیكی بۆ بەشداربووان وترانەوە و لە دوا رۆژی خولەكەدا تاقیكردنەوە بە بەشداربووان كرا و (40) شەتڕەنجزان بوونە راهێنەری نێودەوڵەتی.
سەرۆكی ئەكادیمیای ئاسیا لقی هەولێر پشتیوان شێخ ئەحمەد سەبارەت بەخولە نێ,دەوڵەتییە گوتی : دواجار یەكێتی نێودەوڵەتی شەترەنج (فیدا) دوای هەڵسەنگاندنی وەڵامەكان بە ناونیشانی جیاواز نازناوی راهێنەری نێودەوڵەتی بە هەر 40 بەشداربووی خولەكە بەخشی، 3 نازناوی FT و 11 نازناوی FI و 17 نازناوی NI و 9 نازناوی DI.
پشتیوان شێخ ئەحمەد گوتیشی : خولەكە ئەكادیمیای یەكێتی شەترەنجی ئاسیا لقی هەولێر بە سەرپەرشتی یەكێتی شەترەنجی عێراق ریكیخرابوو و 40 شەترەنجزانی وڵاتانی (عێراق و ئێران و سوریا و عومان و هۆڵەندا) تیایدا بەشداربوون و وانەكانیش لەلایەن هەردوو وانەبێژی نێودەوڵەتی (مانوێل ئاڤتیسیان)ی ئەرمەنی و (ئەمیر رەزا) ئێرانی وترانەوە كە رێگەپێدراوی یەكێتی نێودەوڵەتی شەترەنج (فیدا) بوون.