ئێمە سێیەكی ژیانمان بە خەو بەسەردەبەین، بۆیە پۆزیشن یان شێوەی پاڵكەوتن لەسەر تەختی نووستن گرنگیی زۆری هەیە، ئامانج ئەوەیە كە لەكاتی خەودا كەمترین فشار بكەوێتە سەر جومگە و ماسوولكەكان. لێكۆڵینەوەكان جەخت دەكەنەوە كە نووستن لەسەر سك هەرگیز ڕێنمایی ناكرێت، بەڵكو نووستن لەسەر پشت یان تەنیشت باشترە بۆ كەمكردنەوەی ئازاری مل و پشت. نووستن لەسەر سك هاندەرە بۆ فشاری زیاد لەسەر مل و شان و پشت، واتە ئازار بەتایبەتی لەكاتی لەخەوهەڵسان، بۆنموونە: ئازای پشت بەتایبەتی لە بەشی خوارەوەی پشتدا لە ئەنجامی گرژبوونی ماسوولكەكانی پشت، ئازاری مل لە ئەنجامی سووڕانی سەر بۆ یەك لا لەسەر سەریندا لەبەر كشان و گورجبوونی ماسوولكەكانی مل هاوكات لەگەڵ فشار خستنە سەر بڕبڕەكانی مل كە هۆكارە بۆ هەستكردن بە سڕبوون یان تەزینی قۆڵەكان لە ئەنجامی كەمبوونەوەی لێشاوی خوێن و فشار لەسەر دەمارەكانی قۆڵ، ئازاری شان لەوكاتەی كە قۆڵێك یان هەردووكیان دەخرێنە ژێر سەرین یان لەسەر سەریندا بەرزدەكرێنەوە و گوشار دەخەنە سەر جومگەی شان، هەروەها زیادبوونی ئەگەری لۆچبوونی پێستی دەموچاو Facial wrinkles.