حکومەتی ئۆزبەکستان لە سەروبەندی جەژنی ڕەمەزاندا ١٨٥ تەن هاوكاریی مرۆیی بۆ نیازمەدان لە ئەفغانستان نارد.

بەگوێرەی ڕاگەیاندنی پارێزگای سرخان دریا لەسەر سنووری ئۆزبەکستان و ئەفغانستان، ئەم یارمەتییە مرۆیییانە بریتی بوون لە ئارد، گەنم، برنج، زەیتی ڕووەکی، شەکر، خواردنی قوتوو، جل و بەرگ و پێڵاو.  

ئەم یارمەتییانە بە سەرپەرشتی ئیسمەتوڵڵا ئیرگاشێڤ، نوێنەری تایبەتی ئۆزبەکستان لە ئەفغانستان و ئەنوەر ئاریپۆف، جێگری پارێزگاری سرخان دریا، لە ڕێگای وشکانییەوە ڕەوانەی شاری حیرتان لە ئەفغانستان کران و ڕادەستی دەسەڵاتدارانی ئەم وڵاتە کران.

پێویستە ئاماژە بەوە بکرێت کە ئۆزبەکستان ساڵی ڕابردوو لە مانگی ڕەمەزاندا ٤ هەزار تۆن یارمەتی مرۆیی لە ڕێگای شەمەندەفەرەوە ڕەوانەی ئەفغانستان کرد.

 

 

گوڵان: سەردار خەلیل