ب ئامادهبونا نوینهرێ سهروك بارزانى و ژمارهكا بهرپرسێن میرى و حزبى و جهماوهرێ ئیدارا سهربهخۆ یا زاخۆ، تهرمێ فهرمانده محهمهدخالد بۆسەلى ل زاخۆ هاته ڤهشارتن.
ئهڤرۆ رۆژا شهمبى 25/3/2023، ب ئامادهبونا نوینهرێ سهروك بارزانى و ژمارهكا بهرپرسێن میرى و حزبى و جهماوهرێ ئیدارا سهربهخۆ یا زاخۆ، تهرمێ فهرمانده محهمهدخالد بۆسەلى ل زاخۆ هاته ڤهشارتن.
د رێورهسمێن ڤهشارتنا تهرمێ پێشمهرگێ ههردو شورهشێن ئهیلوول و گولانێ، محهمهد خالد بۆسەلى كۆ ههلگرێ مهدالیا بارزانى بوو، ههر ئێك ژ سیداد بارزانى، نوینهرێ سهروك بارزانى، دگهل فازل میرانى، بهرپرسێ دهستهیا كارگێرى یا مهكتهبا سیاسى یا پارتى دیموكراتى كوردستان و ژمارهكا بهرپرسێن دیتر یێن میرى و حزبى، ل گۆرستانا تلكهبهرێ ل ئیدارا سهربهخۆ یا زاخۆ، تهرمێ فهرمانده محهمهد خالد بۆسەلى هاته ڤهشارتن.
د رێورهسمێن ئهڤرۆ دا تاجهگۆلینا سهروك بارزانى و مهسرور بارزانى، سهرۆكێ حكومهتا ههرێما كوردستانێ ل سهر تهرمێ فهرمانده محهمهد خالد بۆسەلى هاته دانان.
محهمهد خالد بۆسهلى، فهرمانده و پێشمهرگێ ههردوو شورهشێن ئهیلوول و گولانێ، ههلگرێ مهدالیا بارزانى، دوهى رۆژا ئهینى بۆ ههتاههتا وهغهرا دیماهیێ كریه، ئهڤرۆ ژى ب ئامادهبوونا نوینهرێ سهروك بارزانى تاجه گۆلینه لسهر تهرمێ وى هاته دانان و تهرمێ وى ل گۆرستانا تلكهبهرێ ل ئیدارا سهربهخۆ یا زاخۆ هاته ڤهشارتن".