ماكیاژەكان زیاتر لە كەرەستەی جوانكاری و بۆیە و ڕەنگەكانن، بەڵام ئەو كچە ڕێگەیەكی دیكەی ماكیاژكردنی هەیە، ئەو كچە ئوسترالییەی كە جۆرە ماكیاژێكی داهێناوە، تەنیا ڕەنگ نییە، بەڵكو هەستیشی پێ دەكەیت، ئەو كچە ناوی (كاتی تۆلگ)ە، یەكێكە لە پەیكەرتاش و وێنەكێشەكانی ئەو وڵاتە، بۆ ماكیاژكردن سوودی لە بەرد و وردە مووروو و پارچە پلاستیك وەرگرتووە، ئەو جۆرە ماكیاژەشی كردووە كە لە داهاتوودا ببێتە مۆدێكی فەرمی و ئافرەتان بۆ خۆیانی بكەن. تا ئێستا (13) نمایشی بۆ ئەو جۆرە ماكیاژە كردووەتەوە و داواكاریی زۆریش لەلایەن خانمانەوە لەسەر كارەكانی هەیە.