چارەنووسی (كاوە حوسێن)ی شاعیر نادیارە
ئامادەكردنی: مەریوان حەكیم جەباری
شاعیری دیاری كورد (كاوە حوسێن) لەهەژماری تایبەتی خۆی لە تۆڕی كۆمەڵایەتی فەیسبووك ڕایگەیاندووە كە بەمزووانە نوێترین كتێبی شیعری خۆی بە ناوی (چارەنووس) بڵاو دەكاتەوە .
كاوە لە بڵاوكراوەكەیدا هیچ ڕوونكردنەوەیەكی دیكەی لەسەر كتێبەكە نەنووسیوە، كە ئایا كۆی بەرهەمەكانی بڵاو دەكاتەوە یاخود هەڵبژاردەیەكە لەهۆنراوەكانی، هاوكات كات و ڕۆژی بڵاوكردنەوەی كتێبەكەشی دەستنیشان نەكردووە، هەربۆیە (چارەنووس)ی كاوە بەنادیاری ماوەتەوە .
كاوە حوسێن شاعیرێكی دیاری كوردە، لەكۆتایی نەوەدەكانی سەدەی ڕابردووە دەستی بەنووسین كردووە
زیاتر شیعری لیریك و سۆزداری دەنووسێت، بەشێكی زۆر لە هۆنراوەكانی لەلایەن هونەرمەندانی كوردەوە كراون بەگۆرانی و لە ئێستاشدا ئەو شاعیرە لەشاری سلێمانی نیشتەجێیە .
