یەکێتی تۆپی باسکەی لقی هەولێر خولێکی ناوبژیوانی کردەوە

لە هۆڵی کۆلێژی پەروەردەی وەرزشی، خولێکی ناوبژیوانی بە بەشداری فراوانی قوتابیان و ناوبژیوانانی نێودەوڵەتی لەلایەن یەکێتی تۆپی باسکەی لقی هەولێر بەڕێوەچوو.
لە خولەکەدا، هەردوو ناوبژیوانی نێودەوڵەتی (ئازاد عەبدولڕەحمان محەمەد، د. ئارام سەمیر ناجی)، یاسا نێودەڵەتییەکانی باسکەیان کردبووە ناونیشانی خولەکە و چەندین یاسای سەرەکی و گرنگیان لەوبارەیەوە خستە بەرباس و ئەزموون و شارەزاییان لە یاری باسکەدا ڕەنگی دایەوە، هاوکات پڕۆفیشناڵیەتی خولەکە، سەرنجی بەشداربووانی بە لای خۆی دا ڕاکێشابوو.
جگە لەو دوو ناوبژیوانە نێودەڵەتیەش، (د. زمان ساڵح و شۆڕشڤان نامق نانەکەلی) و (ڕزگار مەجید) سەرپەرشتیاری خول و ئەندامی لێژنەی یەکێتی تۆپی باسکەی لقی هەولێر و شارەزا، ڕۆڵی بەرچاویان بینی و بڕیاریشە لە ماوەی ٣ ڕۆژی خولەکەدا چەندین وانەی گرنگ پێشکەش بکرێت و دواتر بڕوانامەی ڕێزلێنان ببەخشرێته بەشداربووانی خولەکە.