ســەرۆك بارزانی جەژنی (جەمایێ) لە ئێزیدییەكانی كوردستان و جیهان پیرۆز دەكات

ســەرۆك بارزانی جەژنی (جەمایێ) لە ئێزیدییەكانی كوردستان و جیهان پیرۆز دەكات

سەرۆک بارزانی بەبۆنەی جەژنی (جەمایێ) پەیامێکی پیرۆزبایی ئاراستەی سەرجەم ئێزییدییەكانی كوردستان و جیهان دەکات.

لە پەیامەکەی سەرۆک بارزانی هاتووە: "بەبۆنەی جەژنی جەمایێ، پیرۆزبایی گەرم ئاراستەی میری ئێزیدییان و بابە شێخ و جڤاتی رۆحانی و هەموو خوشک و برایانی ئێزیدی لە کوردستان و جیهان دەکەم".

سەرۆک بارزانی دەشڵێت: "هیوادارم ئەم جەژنە ببێتە ئەگەری خۆشی و ئارامی بۆ خوشک و برایانی ئێزیدی و بتوانن هەموو ساڵێکی جەژن و خۆشییەکانیان بە ئاشتی و ئاسودەیی ساز بکەن".

دەقی پەیامەکە:

بناڤێ خودێ مەزن و دلوڤان

ب ھەلکەفتا جەژنا جەمایێ، پیرۆزباھیێن گەرم ئاراستەیێ میرێ ئێزدیان و بابە شێخ و جڤاتا رۆحانی و ھەمی خویشک و برایێن ئێزدی لـ کوردستانێ و جیھانێ دکەم.

ھیڤیدارم ئەڤ جەژنە ببیتە ئەگەرێ خوشی و ئارامی یا خویشک و برایێت ئێزدی و بشێن ھەمی سالەکێ جەژن و خوشی یێت خو ب ئاشتی و ئاسودەی ساز بکەن.

ھەر ب ڤێ ھەلکەفتێ داکوکیێ دکەین کو پێدڤیە ھەمی لایەک کار بو بھێزکرنا فەرھەنگ و کەلتورێ پێکڤەژیانێ و برایەتی و ئێکرێزیێ دناڤبەرا ھەمی پێکھاتێت ئولی و نەتەوەیێن کوردستانێ بکەن و بپارێزن.

مسعود بارزانی
٦ی تشرینا ئێکێ ۲٠۲۲

Top