یاسر قاسم ئاسوده‌یه له دالكورد
یاسر قاسم ئاسوده‌یه له دالكورد
یانه‌ى دڵكوردی به‌شدار له خولى پله یه‌كى سویدی یه‌كێك له یانه كورده‌ییه‌كانى به‌شدار له خوله گه‌وره‌كه‌ى ووڵاتى سوێد ساڵانه چه‌ندین یاریزانى ئه‌ستێره‌ى كوردی ده‌باته ریزی یانه‌كه‌ى له ئێستادا یاسرقاسمی یاریزانى پێشووى یانه‌كانى هه‌ندرێن و زاخۆ له ریزى ئه‌م یانه‌یه یارى ده‌كات له باره‌ى یارى كردنى له‌گه‌ڵ یانه‌ى دالكوردیش یاسر قاسم بۆ گۆڤاری گوڵان گوتى: دڵخۆشم له ریزى یانه‌ى دالكورد له خولى پله یه‌كى سویدی یارى ده‌كه‌م، هیوادارم له‌م چه‌ند یارییه‌ى كه به‌شدار ده‌بم له‌گه‌ڵ یانه‌كه بتوانم ئاستێكى به‌رز پێشكه‌ش بكه‌م و خزمه‌تى یانه‌یه‌كى كوردی بكه‌م له تاراوگه، بۆ من هه‌ستێكى یه‌كجار گه‌وره‌یه كه ده‌توانم بۆ یه‌كه‌مجار له ژیانی یاریزانیم له ده‌ره‌وه‌ى ووڵات له پیشه‌گه‌ری یارى ده‌كه‌م، هیوادارم بتوانم خزمه‌ت به یانه‌ى داڵكورد بكه‌م و له‌گه‌ڵ ئه‌و یانه‌یه ئه‌نجامى شایسته ده‌سته‌به‌ر بكه‌م، هه‌رچى له توانام بێت بۆ یانه‌ى داڵكورد درێغی ناكه‌م بۆ ئه‌وه‌ى بتوانم ئاست و ئه‌نجامى گه‌وره به‌ده‌ست بهێنم.
كارزان كانه‌بی
