پــرســەنـامەیەک لە سەرۆکی هه‌رێمی کوردستانەوە

پــرســەنـامەیەک لە سەرۆکی هه‌رێمی کوردستانەوە

بە داخێکی گرانەوە هەواڵی گیانلەدەستدانی هەر پێنج پێشمەرگەی دلێر (تاهیر کاکەوڵا، جەمال جەلال حه‌مه‌، ئەردەڵان جەمال مه‌جید، توانا نەسرەدین حه‌مه‌د و سەروەر ئەنوەر مه‌حموود)م پێگەیشت کە ئەمڕۆ لە کاتی گەڕانەوەیان لە ئەرکی پیرۆزی پێشمەرگایەتی، لە ڕووداوێکی هاتوچۆدا لەسەر ڕێی دەربەندیخان بوونە قوربانی.

بەو بۆنە خەمناکەوە بە گەرمی پرسە و سەرەخۆشی لە بنەماڵە و کەسوکار و هاوسەنگەرانیان و دانیشتوانی سەید سادق دەکەم و هاوده‌رد و هاوخەمیانم.

لە خوای مەزن داواکارم گیانیان بە بەزەیی و میهرەبانیی خۆی شاد بکات و سەبووری و ئارامی بە هەموو لایەک ببەخشێت.

نێچیرڤان بارزانی

سەرۆکی هەرێمی کوردستان

٢٠٢٢/١٠/١
 

Top