سه‌نته‌ری مه‌لیك گرنگیى به‌ یارى شه‌تره‌نج ده‌دات

سه‌نته‌ری مه‌لیك گرنگیى به‌ یارى شه‌تره‌نج ده‌دات

سه‌نته‌ری مه‌لیك گرنگیى به‌ یارى شه‌تره‌نج ده‌دات
هه‌ر چه‌نده‌ ته‌مه‌نى سه‌نته‌رى مه‌لیك بۆ یارییه‌كانى شه‌تره‌نج كه‌مه‌، به‌ڵام ئاست و ئه‌نجامى له‌ سه‌ر ئاستى عێراقی به‌رچاوه‌، سه‌نته‌ری مه‌لیك له‌ ساڵى (2018) دامه‌زراوه‌ له‌لایه‌ن چوار یاریزانى نێوده‌وڵه‌تى یارى شه‌تره‌نج، ئه‌م سه‌نته‌ره‌ جگه‌ له‌ پێگه‌یاندنى یاریزانان به‌رده‌وام خول و سمینارى تایبه‌تیان هه‌یه‌ له‌ سه‌ر یارى شه‌تره‌نج بۆ شارى هه‌ولێر و ئه‌نجامه‌كانیشیان له‌ سه‌ر ئاستى عێراقی دڵخۆشكه‌ر بووه‌، له‌م باره‌شه‌وه‌ دانا جه‌مال یه‌كێك له‌ دامه‌زرێنه‌رانى سه‌نته‌ره‌كه‌ بۆ گۆڤاری گوڵان گوتى: ئامانجمان له‌ دروست كردن و كردنه‌وه‌ى ئه‌م سه‌نته‌ره‌ زیاتر خزمه‌تكردنى یارى شه‌تره‌نجه‌ له‌ شارى هه‌ولێر، به‌رده‌وامیش خول و سیمینارى تایبه‌ت به‌م یارییه‌مان هه‌یه‌ تاكو ئێستا نزیكه‌ى (400) كه‌سمان فێرى یارى شه‌تره‌نج كردووه‌، به‌هۆى بوونى چه‌ند مامۆستایه‌كى به‌توانا و ڕاهێنه‌رى به‌ ئه‌زموون و بوونى پرۆگرامێكى سه‌ركه‌وتووئه‌كادیمی به‌ شێوازی (روسى، پۆله‌ندى، ئێرانی) توانیومانه‌ له‌ كه‌مترین ماوه‌ كۆنترۆڵى خولى عێراقی و كوردستان بكه‌ین، جگه‌ له‌ ئه‌نجامه‌ باشه‌كانیشمان (9) یاریزانى سه‌نته‌ره‌كه‌مان بۆ هه‌ڵبژارده‌ى عێراقی هه‌ڵبژێردراون و له‌ داهاتوو نوێنه‌رایه‌تى عێراقی ده‌كه‌ن له‌ سه‌ر ئاستى عه‌ره‌بی و ئاسیا، گوتیشى" به‌رده‌وام ده‌بین له‌ خزمه‌ت كردنى یاریزانانى خۆمان بۆ ئه‌وه‌ى بتوانین زۆترین خزمه‌ت بگه‌ینن به‌م یارییه‌، ڕكابه‌رى یانه‌كانى كوردستان و عێراقی ده‌كه‌ین بۆ ئه‌نجامى باشتر، له‌ باره‌ى ئاستى كچانیش دانا گوتیشى" له‌ ئاستى كچان تاكه‌ نوێنه‌رى كوردستان بووین له‌ شارى به‌غداد توانیمان پله‌ى سێیه‌م به‌ده‌ست بهێنین، به‌رده‌وام خۆبه‌خشانه‌ چه‌ندین خول و سیمینارمان كردۆته‌وه‌ له‌ سه‌ر ئاستى زانكۆكانى كوردستان،له‌ بارى هاوكارییه‌كانیشان گوتى" هیچ كه‌س و لایه‌نێك هاوكارییان نه‌كردوین له‌ سه‌ره‌تاى دامه‌زراندوه‌ تاكو ئێستا، ئه‌گه‌ر هاوكارى بكڕێن ده‌بینه‌ گه‌وره‌ترین بناغه‌ى پێگه‌یاندنى یارى شه‌تره‌نج له‌ عێراق و كوردستان.
كارزان كانه‌بی

Top