جەڵتەی مێشك Stroke لە ئەنجامی تەسكبوونەوە، یان گیرانی خوێنبەر Ischemic، یان خوێنبەربوون Hemorrhagic لە ناو مێشكدا روو دەدات. هەنگاوەكانی كەمكردنەوەی ئەگەری روودانی جەڵتەی مێشك بریتین لە: كۆنترۆڵكردنی پەستانی خوێن، چونكە بەرزبوونەوەی پەستانی خوێن بە بەهێزترین هۆكار بۆ جەڵتەی مێشك هەژمار دەكرێت، كۆنترۆڵكردنی نەخۆشیی شەكرە لە تووشبوواندا لەوكاتەی كە نەخۆشیی شەكرە ئەگەری بەرزبوونەوەی پەستانی خوێن و جەڵتە تا چوار هێندە بەرزدەكاتەوە، كۆنترۆڵكردنی ئاستی بەرزی كۆلیستیرۆڵ لە رێگەی پارێزی خۆراك و مەشقی وەرزشی، یان وەرگرتنی دەرمان بە رێنمایی دكتۆر ئەگەر پێویست بكات، وازهێنان لە جگەرەكێشان، چونكە ئەگەری تووشبوون بە جەڵتەی مێشك تا چوار هێندە بەرزدەكاتەوە، پاراستنی تەندروستیی دڵ و چارەسەركردنی دروست لە تووشبووان بە نەخۆشیی خوێنبەرەكانی دڵ، كۆنترۆڵكردنی كێشی لەش، كەمكردنەوەی خوێ و شەكر و چەوریی خراپ لە خۆراكدا، زیاد خواردنی سەوزە و میوەی جۆراوجۆر، ناوە ناوە پێوانەكردنی پەستانی خوێن لە لایەن دكتۆروزو، دووركەوتنەوە لە ئەلكهول، ئەنجامدانی مەشقی وەرزشی بە شێوەیەكی رێك بەلای كەم هەفتانە پێنج جار.