بەهۆی پێكدادانی تانکەرك و پاسێك ٢٠ کەس گیانیان لەدەستدا

بەهۆی پێكدادانی تانکەرك و پاسێك ٢٠ کەس گیانیان لەدەستدا

 

ڕووداوێكی دیكەی کوشندە لە پاکستان ڕوویدا و 20 كەس گیانیان لەدەستدا.

وتەبێژی پۆلیس و میدیاكانی  پاکستان ڕایانگەیاند: كە لە ڕووداوێكی سەخت لە نێوان تانکەرێکی نەوتهەڵگر و پاسێکی پڕ لە سەرنشین كە لە كاتی پێكدادانەكە دەست بەجێ گڕ دەگرێت، بەلایەنی کەم20 کەس گیانیان لەدەستدا.

ئەم پێكدادانە لەسەر ڕێگاییەكی گشتیی خێرا لە نزیک شاری مولتانی ناوەندی ڕووداوە و تا ئێستا ڕوون نییە چ شتێك بووەتە هۆی ئەم پێكدادانە.

لەڕاگەیەندراوێکدا وتەبێژی پۆلیس، بەبێ ئەوەی وردەکاریی لەبارەی ژمارەی قوربانییەكان  بخاتەڕوو، ئاماژەی بەوەكرد، کە پاسەكە و تانکەرەکە دوای پێکدادانەکە ئاگریان گرتووە.

بەرپرسێکی تیمەكانی فریاگوزاریی دەوڵەت بە تەلەفزیۆنی جیهانی گوت: كە تەنها   ٦ سەرنشین توانیان لەم ڕووداوە سەختە ڕزگاریان بێت.

 

 

 

گوڵان: سەردار خەلیل

 

Top