وەك هەر خانمێكی ماڵ، یان هەر تاكێكی ئاسایی با جێگەت لە نێو سۆشیال میدیا دیار بێت، بەوپێیەی لەگەڵ كەسانی دەوروبەرت مامەڵە دەكەیت، كە كەسانی وەك هاوڕێ و سەر كار و خزم و دەوروبەرن، دەتوانیت لە چەند ئاپێكەوە رۆڵی خۆت و كارەكانت دیاری بكەیت و بڵاوی بكەیتەوە، یان ئەو بیرۆكانەی كە پێویستە دابنرێن و بە خەڵكی بگەیەنیت، سەرەڕای ئەوەی دەتوانیت وێنە و یادگاریی رۆژانەت تۆمار بكەیت و بە كەسانی نزیكتی بگەیەنیت. سۆشیاڵ میدیا گرنگییەكی زۆری لە ژیاندا هەیە، هەوڵ بدە چەند هاوڕێیەكی نزیكت هەبێت، كە جێگەی متمانە بن لە هەردوو رەگەز، رۆژانە چەند كاتژمێرێك تەرخان بكە، بە قسەكردن و شت ناردنی جوان و یادگاری و وێنەكان بگۆڕنەوە، رەنگە تووشی كێشە و گرفتیش ببیتەوە، بەڵام پێویستە پەیڕەوی ئەتەكێت و رێنماییەكانی نێو تۆڕەكان بكەیت، سەرەتا پێویستە هێمن و قسەخۆش بیت، نابێ رق و كینە و جوێندانت پێوە دیار بێت، لە كۆمێنێت شتی بێ مانا و قسەی گاڵتەجاڕی مەكە، كەسێكی سادە بە كە گوزارشت لە كەسایەتیی خۆت بكات بێ ئەوەی نواندن بكەیت، چونكە سۆشیال میدیا وەك كتێبێكی كراوەیە، هەموو كات بەردەستە و خەڵك دەیبینێت، بۆیە ئاگادار بە كەسێكی سادە بە و قسە و كۆمێنت و پۆستەكانت گوزارشت لە بابەتی جوان و كراوە و كەسێكی رۆشنبیر بكات.