بەرپرسانی حکومەت لە کۆماری دۆمینیکان کوژرانی وەزیری ژینگە و سامانە سروشتییەکانی ئەو وڵاتەیان لە ئۆفیسەکەی ڕاگەیاند.

بەپێی راپۆرتە میدیاییە ناوخۆییەکان لە کۆماری دۆمینیکان، « ئۆرلاندۆ جرگە مرا » وەزیری ژینگەی ئەو وڵاتە لە هێرشێکی چەکداریدا کوژرا.

بەپێی ئەو ڕاپۆرتانە هێرشێکی چەکداری کراوەتە سەر ئۆفیسی جرگە مرا تەقەی لێكراوە و بە سەختی برینداربوو.

وەزیری ژینگەی کۆماری دۆمینیکان کە لە ئەنجامی ئەو هێرشەدا برینداربوو، بەهۆی سەختیی برینەكەیەوە دواتر گیانی لەدەستدا.

دەوترێت دوابەدوای هێرشەکە گومانلێکراوەکە هەڵاتووە و ژمارەیەکی زۆر لەهێزە ئەمنییەکانیش بۆ شوێنی ڕووداوەکە ڕەوانە كراون.

ئۆرلاندۆ جرگە مرا، لە مانگی ئابی 2020دا وەک وەزیری ژینگە و سامانە سروشتییەکان دەستنیشان کرا.

 

 

گوڵان: سەردار خەلیل