بە وتەی پۆلیسی ویلایەتی بایرنی ئەڵمانیا، بەهۆی دەرچوونی شەمەندەفەرێك لە هێڵی ئاسنین لە نزیک شارۆچکەی گەرمیش-پارتنکیرشن، بەلایەنی کەم  سێ کەس کوژران و ژمارەیەکی زۆرش برینداربوون.

بەپێی ڕاپۆرتەکە، دوابەدوای ڕووداوەکەی ناوبراو، ڕێگای گشتی كە 4 ڕێگایە بەناو ئەو ناوچەیەدا تێپەڕدەبێت بەتەواوی داخراوە و تایبەت بووە بەگواستنەوەی بریندارەکان.

هەروەها چەندین تیمی رزگارکردن و سێ هەلیکۆپتەری فریاكەوتن، لە شاری تیرول-ی ئەتریش ڕەوانەی شوێنی ڕووداوەکە کران بۆ گواستنەوەی بریندارەکان.

دەسەڵاتدارانی ئەڵمانیا تا ئێستا هیچ وردەكارییەك وهۆکاری ڕووداوەکەیان ڕانەگەیاندووە.

 

 

 

گوڵان: سەردار خەلیل