باره‌گاى بارزانى له‌ ڕوونكردنه‌وه‌یه‌كدا ئاماژه‌ى به‌وه‌ داوه‌، چه‌ند لێدوانێكى دروستكراو به‌ ناوى سه‌رۆك بارزانییه‌وه‌ بڵاو كراونه‌ته‌وه‌، بابه‌ته‌كه‌ش دووره‌ له‌ ڕاستییه‌وه‌.

ئه‌مڕۆ یه‌كشه‌ممه‌ 29/5/2022، باره‌گاى بارزانى ڕوونكردنه‌وه‌یه‌كى بۆ ڕاى گشتى بڵاو كرده‌وه‌ و تێیدا هاتووه‌: "لە ژمارەیەک سایت و تۆڕە کۆمەڵایەتییە عەرەبییەکاندا، لێدوانێکی دروستکراو بە ناوی سەرۆک بارزانی لەبارەی بڕیارەکانی دادگەی فیدڕاڵی و ئەنجوومەنی نوێنەرانی عێراق بڵاو کراوتەوە، لێرەدا ڕایدەگەیێنین ئەو بابەتە دوورە لە ڕاستی و هیچ بنەمایەکی نییە".