پێشنیوەڕۆی ڕۆژی هەینی 27ی ئایاری 2022 سەرۆك مەسعود بارزانی و سەرۆك ئیمانویل ماكرۆن سەرۆكی فەڕەنسا، بارودۆخی عێراق و هەرێمی كوردستان و پێشهاتە ئەمنییەكان و دەستوەردانی دەرەكیان لە كاروباری عێراق تاوتوێ كرد.
هەر لەو پەیوەندییە تەلەفۆنیەدا سەرۆك بارزانی بە بۆنەی هەڵبژاردنەوەی وەك سەرۆكی فەڕەنسا پیرۆزبایی لە سەرۆك ماكرۆن كرد و هەروەها سەرۆكی فەڕەنساش سەرەخۆشیی خۆی بە سەرۆك بارزانی گەیاند بۆ گیانلەدەستانی ئەوانەی لە تەقەكردنەكانی دوێنێ لە بامەڕنێ لە سنووری دهۆك بوونە قوربانی.
پەیوەندییەكانی نێوان هەرێمی كوردستان و فەڕەنسا تەوەرێكی تری ئەو پەیوەندییە تەلەفۆنییە بوو.