کۆشکی سەرۆکایەتی فەرەنسا دەست نیشانکردنی وەزیری کاری حکومەتی وەک سەرۆک وەزیران بە بەرپرسی پێکهێنانی کابینەی حکومەتی نوێی ئەو وڵاتە ڕاگەیاند.

کۆشکی سەرۆکایەتی فەرەنسا بەیاننامەیەکی بڵاوکردەوە و ڕایگەیاند: کە « ئیمانوێل ماکرۆن »، سەرۆکی ئەو وڵاتە « ئێلیزابێث بورن »، وەزیری کاری حکومەتی وەك سەرۆك وەزیرانی نوێی وڵاتەكەی هەڵبژاردووە.

هەروەك لەو بەیاننامەیەدا هاتووە سەرۆک وەزیرانی نوێی فەرەنسا کە ئەندازیارە و وەک وەزیری گواستنەوە و هەروەها ژینگە لە حکومەتی سەرۆک وەزیرانی پێشوو « ئێدوارد فیلیپ»، خزمەتی كردووە، لە ئێستادا ئەرکی پێکهێنانی کابینەی نوێی حکومەتی پێدەدرێت.

بورن دووەم ئافرەتە لە مێژووی ئەو وڵاتەدا کە بە سەرۆک وەزیران هەڵبژێردراوە، کە پێش ئەو تەنیا « ئێدیت کرسون » لە 15ی ئایاری 1991 تا 2ی نیسانی 1992، کەمتر لە ساڵێک سەرۆك ووەزیران بوو.

 

 

 

گوڵان: سەردار خەلیل