دوێنێ وەزارەتی خوێندنی باڵا و توێژینەوەی زانستی لە ڕاگەیاندراوێكدا ریزبەندی نوێی زانکۆکانی عێراق و هەرێمی کوردستانی بڵاوکردەوە و بەگوێرەی ئەم  ڕیزبەندییە، زانکۆی سەڵاحەدین- هەولێر یەکەمی ئاستی زانکۆکانی هەرێمی کوردستانە.

وەزارەت ئەوەشی ڕاگەیاند كە زانکۆی سلێمانی لەم ڕیزبەندییەدا دووەمە لەسەر ئاستی هەرێم و نۆیەمیشە لەسەر ئاستی عێراق.

لیستی ناوی زانكۆكان و ڕیزبەندییان لە سایتى InCite WoS  بڵاوکراوەتەوەو بەگوێرەی ڕیزبەندییەکەش زانکۆی سەڵاحەدین یەکەمی سەر ئاستی زانکۆکانی هەرێمی کوردستان و دووەمی سەر ئاستی هەموو عێراقە.

هەر لەناو ئەو ڕیزبەندییەدا هاتووە كە زانکۆی سۆران سێیەمی سەر ئاستی هەرێمە  و 13یەمینیشە لەسەر ئاستی عێراق.

بەڵام سەبارەت بە زانکۆ تایبەتییەکان وەزارەت دووپاتی كردەوە كە  زانکۆی جیهان-هەولێر، یەکەمە  لەسەر زانکۆ تایبەتییەکان، دوای ئەویش زانکۆی نۆلێدج دێت كە دووەمی سەر ئاستی زانکۆ تایبەتییەکانە.